Euskara hobetzen
Azken urteotako berrikuntza ugari izan ditu elkarren arteko komunikazioak, eta euskara ere egokitu dugu modu berri horietara. Hona hemen adibide batzuk:
- @ arroba esan beharrean, a bildua esaten dugu euskaraz.
- tuit-en ordez,txio esaten dugu,eta tuiteatu esateko txiokatu asmatu dugu.
- # hashtag edo almohadillahitzaren ordaina emateko, traola erabiltzen dugu. Arrantzarako tresna horren forma berdina duelako erabiltzen da gaur egun # ikurra izendatzeko ere.
Euskaltzaindiaren arabera:
- Ordinaletan “garren” ahoskatzen den bakoitzean, puntua jarriko dugu: Atano X.arekin, XX. mendean,
- Oso-osorik letraz idazteko orduan arazoak sor ditzaketen ordinalek honela idatzi: hogeita batgarren, hirurogeita batgarren. Hala ere, bosgarren, hogeita bosgarren, hirurogeita hamabosgarren…
21. gelditu da atzoko lasterketan……..hogeita batgarren gelditu da atzoko lasterketan
5.a naiz lan-poltsetako zerrendan….bosgarrena naiz lan-poltsetako zerrendan
Aikor!:
Amaieran bost daukaten zenbaki guztiek –garren atzizkia hartzean, amaierako T hori galtzen dute.
ZenbaTgarren gelditu zara lasterketan?
BosTgarren gelditu naiz (OKERRA)
Bosgarren gelditu naiz
Eta Aikomen!:
- Distributiboak, -na baliatuz osatzen direnean, honela idazten dira: bana, bosna, ehuna, mila bana, zenbana, eta abar.
- Bana erabiltzean, aditza singularrean jarriko dugu:
Jonek eta Anek liburu baNA erosi DITUZTE (ez) Jonek eta Anek liburu baNA erosi DUTE (bai)
-NA atzizkia mila eta milioirekin: aurreko zenbatzaileari erantsiko diogu
Hamar milaNA pezeta dauzkagu HamarNA mila pezeta dauzkagu
Bost milioiNA eman dizkigute BosNA milioi eman dizkigute
EHULKU (moldatua)
Atari-zenbakiaren aurretik koma jarri behar da? Solairua eta eskua nola lotu behar dira? Eta posta-kodea eta herriaren artean zerbait idatzi behar da?
Hona hemen gomendatzen diren moldeak:
Donostia kalea 1, 01010 Vitoria-Gasteiz
Kale Nagusia 85, 6-B, Agurain
Kale Nagusia 85, 6-B, 01200 Agurain, Araba
Larrauri Mendotxe bidea 18, Erandio, Bizkaia
Kale Nagusia 34, 5, Arrasate
Ledesma 20, 4.a bis
Plaza Berria 44, 4. A
Zapatari 12, loia
“Bat baino gehiago” esapidean, bi elementuek eraman behar dute deklinabide-atzizki bera; beraz, “batek baino gehiagok…, bati baino gehiagori…” esapideak dira zuzenak.
Hona hemen adibide batzuk:
- - Hamar mila pertsonak baino gehiagok hartu dute parte.
- - Bati baino gehiagori lelokeria irudituko zaio
Izenlagunetan, ordea, gehiago hitzari bakarrik eransten zaio –ko atzizkia:
- - Elkartean badira 65 urteko baino gehiagoko pertsonak.
- - Elkartean badira 65 urte_ baino gehiagoko pertsonak
Morfosintaxiaren inguruko zalantzak eta argibideak / Patxi Petrirena
Bide-seinaleak, errotuluak: *EUSKALTEGI,*SAGARDOTEGI
Zer iragartzen du bide-seinale honek? Euskaltegia, eta ez *euskaltegi.
Eta errotuluak, *sagardotegi?
Euskaraz errotuluak-eta artikuluarekin idatzi behar dira;
hortaz, bide-seinale horretan EUSKALTEGIA jarri behar zuen,
eta errotuluan SAGARDOTEGIA, eta ez*SAGARDOTEGI.